“Gjyqtari, benjamin i Dinamos, këta po tallen me paratë tona”

2 Dhjetor Presidenti i Shkumbinit: pas penalltisë së mos dhënë, po mendoj të tërhiqem nga presidenca.
Presidenti i klubit Shkumbini ka qenë i pranishëm dje në Federatën Shqiptare të Futbollit për tu takuar me drejtuesit e sektorit të garave dhe pas një takimi prej më shumë se një ore me Shulkun, presidenti Ismaili ka dalë shumë i revoltuar nga institucioni i futbollit. “Erdha në shtëpinë e futbollit për të kërkuar drejtësinë, unë mendonj se FSHF ka bërë shumë për futbollin, por mënyra se si po sillen gjyqtarët jua vështirëson edhe këtyre njerëzve punën. Është shumë e padrejtë që investimi ynë të shkojë dëm, dhe sigurisht që gjykime të tilla të bëjnë të mendosh edhe dorëheqjen fare nga ky futboll. Gjyqtari, jo vetëm nuk dha një penallti në ndeshjen me Shkumbinin, por i trajtoi tifozët tanë shumë keq. Tallej dhe zgërdhihej me ta pas ndeshjes, ndërkohë që ata me të drejtë e kontestonin për një penallti të mohuar”. Për pas Ismaili tha: “Unë vazhdoj të mendoj se gjyqtari jo se është tifoz i Dinamos, por është benjamin i kësaj skuadre. Që do të thotë se është i preferuari i klubit blu. Mos më bëni të them më shumë se sepse do të thoja gjëra të pahijshëm kundrejt këtij arbitri”.

Analiza? Më pas, pasdite presidenti Ismaili ka folur edhe para lojtarëve në analizën e zhvilluar në Peqin. “Ju keni qenë në niveli e duhur dhe sidomos në pjesën e dytë keni mundur në çdo drejtim Dinamon. Me të tilla takime ju jeni kampionë dhe nuk ka ekip që mund tju thyejë. Padyshim që ka vend për përgëzim por jo për eufori pasi takime të tjera të vështira kemi përpara. Nga ana jon- nuk ka munguar dhe nuk do të mungojë aspak përkrahja për të arritur rezultate sa më të mira. Me lojën tonë ne kemi treguar në këto 13 javë kampionat se meritojmë vendin e tretë në të cilin ndodhemi. Edhe nëse dikush nuk ka dëshirë që ne ndodhemi në këtë pozicion, ne do të vazhdojmë luftën tonë sportive për të qenë në një nga tre vendet e para”.

Pishmane ? “Nëse nuk do të kishim pësuar humbjen me Lushnjen patjetër që do të ndodheshim në vendin e dytë. Mirëpo si të mos ndodhte vetëm kjo, ndeshja e kësaj fundjave shënon dy pikë të rrënbyera nga gjyqtari Jemini. Padyshim që ai ishte nisur për të dhënë takimin Dinamos, por fatmirësisht nuk arriti të bëjë siç duhet punën e tij si dinamovit duke rrëmbyer vetëm një pikë. Nëse nuk do të na kishin kaluar këto pesë pikë ekipet e tjera do të na shihnin tashmë si kryesues. Ne do bëjmë punën tonë për të arritur synimet që kemi por nuk do të lejojmë që persona të tillë si gjyqtari, të tallen me djersën tuaj dhe as me investimet tona ka vazhduar ai. Shpresoj që të na ketë qenë vetëm një penalizim i momentit pasi nëse do të vazhdohet kështu edhe më tej atëherë na duhet të shohim nëse do të jemi pjesë e sportit apo jo”.

Objektivat? “Më së pari kemi takimin e kupës ndaj ekipit të Apolonisë të cilin nuk duhet ta nënvleftësojmë. Kupa është një derë për në Europë ndaj edhe ai mbetet objektiv për ne. Por nuk duhet harruar se në fundjavë na pret një transfertë e vështirë ndaj duhet të kemi forcën dhe mendjen të përqëndruar edhe në kampionat. Nuk ka vend për t’u demoralizuar nga takimi që lamë pas, ndaj t’i përvishemi punës për atë cka na vjen më pas”, ka përfunduar presidenti Ismaili

Sporti shqiptar