Vllaznia fiton kupën, vendos dinaku “Deda”

Vllaznia fiton kupën, vendos dinaku “Deda”
2-0. Trofeu i 56-të i Kupës së Shqipërisë i takon Vllaznisë, që e fiton atë pas 21 vjetësh për herë të gjashtë në historinë e klubit më të vjetër në Shqipëri. Vllaznia dominoi plotësisht nëj takim që në letër dukej se do i takonte Tiranës, por dinakëria k emrin “Deda”. Trajneri malazias arriti të “mashtrojë” kolegun e tij Mema, kur Vllaznia humbi 5-1 në kampionat në përballjen e fundit midis tyre.

Pa golashënuesin më të mirë të kampioantit, Vioresin Sinani, por me dy yje të rinj të futbollit shqiptar Gilman Lika dhe Xhevair Sukaj, Vllaznia ia doli me meritë të fitonte pjesën e parë me rezultatin 2-0 dhe krejt 90 minutave, por dhe të gjitha dueleve me bardhëblutë.

Tirana, e shëmtuar gjatë kësaj ndeshjeje, nuk tregoi asgjë nga 13-herë fituesja e Kupës së Shqipërisë dhe 23-herë kampionët e Shqipërisë.

Vllaznia e zgjidhi shumë shpejt takimin. Është fillimi i minutës së 3-të. Veprime të shpejta sulmuese në krahun e djathtë të sulmit, Kaçi harkon brenda zonës, dhe aty Gilman Lika, i cili i shpëton mbulimit të mbrojtjes së Tiranës, Endri Vrapit, duke shënuar golin e parë të takimit pa kaluar ende 2 minuta e 15 sekonda. Vllaznia udhëheq 1-0. Entuziazëm i jashtëzakonshëm i tifozerisë së shumtë shkodrane në ”Ruzhdi Bizhuta”.

Shtyllë rrëqethëse e Sukaj në minutën e 5-të. Sulmuesi shkodran te pika e 11-metërshit goditi fuqishëm në formë volei, ndërsa topi u ndal nga traversa e portës së Tiranës, për të mos e çuar rezultatin në 2-0. Tirana është në kaos të plotë, por tri minuta më pas ka rastin për të barazuar rezultatin. Duro dha një pas të shkurtër nga goditja e këndit te Hyka, i cili harkon në zonën e Vllaznisë. Daniel Xhafaj goditi fuqishëm me kokë, duke rrahur traversën. Një rast i madh për barazim.

38’ Talenti shkodran Xhevair Sukaj fiton një dylyftim shtatlartësie me Endri Vrapin brenda zonës, topin e hedh me kokë përpara dhe bën një ekzekutim perfekt të denjë për një futbollist të madh, duke mposhtur Osmanin për të dytën herë. 2-0. E pabesueshme. “Vllaznia- Ultas” janë ekstazë. Trajneri i Shpresave, Artan Bushati ka pse të kënaqet me yllin e ri të futbollit shqiptar.

Tirana e nis me tri ndërrime pjesën e dytë. Maqedonasi Sasho Gjoreski hyn në vend të Duros, Arapi në vend të Sinës dhe Hajdari në vend të Vrapit, por pa mundur të jetë agresive aq sa duhet.





KUPA E SHQIPERISE

Ndeshja finale

VLLAZNIA-TIRANA 1-0

Shënues: 1-0 Lika 3’, 2-0 Sukaj 38’

7 maj 2007, stadiumi “Ruzhdi Bizhuta”, Elbasan

Vllaznia: Grima, Lici, Teli, Osja, Delain, Nallbani (81’ Hoti), Kaçi, Sukaj, Kotrri, Lika. Trajner: Dervish Haxhiosmanoviç

Tirana: Osmani, Vrapi (46’ Hajdari), Sina (46’ Arapi), Kcira, Fagu, Deliallisi, Mohelebi, Duro (46’ Gjoreski), Hyka, D.Xhafaj, Fortuzi. Trajner: Sulejman Mema

Gjyqtarë: Rafati (Gjermani), Karsten Kadak, Maik Pikel

Gjyqtar i katërt: Sokol Jareci



KRONIKA E NDESHJES



3’ Veprime të shpejta sulmuese në krahun e djathtë të sulmit, Kaçi harkon brenda zonës, dhe aty Gilman Lika, i cili i shpëton mbulimi të mbrojtjes së Tiranës, duke shënuar golin e parë të takimit pa kaluar ende 2 minuta e 15 sekonda. Vllaznia udhëheq 1-0. Entuziazëm i jashtëzakonshëm i tifozerisë së shumtë shkodrane në ”Ruzhdi Bizhuta”.



5’ Shtyllë rrëqethëse e Sukaj në minutën e 5-të. Sulmuesi shkodran te pika e 11-metërshit goditi fuqishëm në formë volei, ndërsa topi u ndal nga traversa e portës së Tiranës, për të mos e çuar rezultatin në 2-0.

8’ Tirana pranë golit. Duro dha një pas të shkurtër nga goditja e këndit te Hyka, i cili harkon në zonën e Vllaznisë. Daniel Xhafaj goditi fuqishëm me kokë, duke rrahur traversën. Një rast i madh për barazim.

9’ D.Xhafaj goditi rrufeshëm më të majtën, por kapiteni i Vllaznisë, portieri Armir Grima e devijoi në goditje këndi.

11’ Sukaj i shpëtoi me zgjuarsi mbrojtes së Tiranës, galopoi rreth 20 metra i vetëm përballë portierit Osmani, por në momentin e fundit nuk mundi ta mposhtë atë. Rast i mirë për 2-0.

16’ Mesfushori i Tiranës, Erald Deliallisi goditi nga një distancë mbi 30 metra, por sfera përfundoi shumë mbi shtyllën horizontale.

17’ D.Xhafaj morri një pas të saktë nga Hyka, por vlonjati i Tiranës nuk mundi ta shtynte topin në rrjetë. E pafalshme për sulmuesin e njohur.

38’ Talenti shkodran Xhevair Sukaj fiton një dylyftim shtatlartësie me Endri Vrapin brenda zonës, topin e hedh me kokë përpara dhe bën një ekzekutim perfekt të denjë për një futbollist të madh, duke mposhtur Osmanin për të dytën herë. 2-0. E pabesueshme. “Vllaznia- Ultas” janë ekstazë. Trajneri i Shpresave, Artan Bushati ka pse të kënaqet me yllin e ri të futbollit shqiptar.

41’ Kcira i Tiranës ndalon në zonë një top të goditur fuqishëm nga SUlaj, por gjyqtari gjerman Rabati nuk jep penallti. Protesta nga ana e trajnerit të Vllaznisë, Dervish Haxhiosmanoviç.

45’. NJë minutë shtesë në pjesën e parë, ku Vllaznia është dukshëm superiore, ndaj një Tiranë të shthurur dhe pa forcë.

45’+1 Vllaznia-Tirana 2-0. Një pjesë e parë e fituar me meritë nga formacioni shkodran.

Pjesa e dytë

46’ Tirana e nis me tri ndërrime pjesën e dytë. Maqedonasi Sasho Gjoreski hyn në vend të Duros, Arapi në vend të Sinës dhe Hajdari në vend të Vrapit.

48’ Xhafaj në të majtë të sulmit të Tiranës hodhi një top për Fortuzin, por vetëm goditje këndi për bardhblutë. Një rast i mirë, por i pamjaftueshëm.

50’ Veprime të zgjuara të Mohelebit, topi përplaset në dorën e një mbrojtësi shkodran, por gjyqtari vazhdon lojën.

64’ Goditje këndi për Tiranën. Topi arin të Mohelebi, i cili fiton një tjetër goditje kendi.

65’ Hyka ndëshkohet me karton të verdhe për Jahmir Hykën, për një veprim simulimi brenda zonës, teksa fantazisti i kombëtares kërkoi penallti. Asnjë protestë nga Hyka.

66’ Mohelebi ndëshkohet me karton të verdhë për një faull të dukshëm ndaj futbollistit shkodran Suad Lici.

71’ Ilir Nallbani kryen disa veprime indididuale, por topi i goditur nga kosovari i Vllaznisë ishte i dobët.

73’ Admir Teli ndëshkohet me karton të verdhë.

76’ Gjoreski humbi një rast të mirë, kur maqedonasi mori një top nga Hyka,por brenda zonës goditi në gjysmëlartësi jashtë kuadratit.

78’ Sukaj fiton një goditje dënimi në dyluftim me Kcirën. Lici ekzekuton nga 25 metra në pozicion të prirët, gjuajtja e fuqishme e ish-lojtarit të Tiranës, pritet në dy kohë nga portieri bardheblu Osmani.

80’ Mohelebi proteston ndaj një faulli, duke sjellë edhe skenën eparë të shëmtuar në “Ruzhdi Bizhuta”. Një minipërleshje e vogël midis lojtarëve. Gjyqtari ndëshkon me karton të verdhë Mohelebin, Kartoni i tij i dytë i verdheë dhe automatikisht i kuq. Tirana me dhjetë lotjarë.

81’ Erion Hoti zë vendin e Nallbanit të dëmtuar.

89’ Arapi me një goditje me të majtën nga 25 metea vë në provë portierin veteran Grima, por pa problem për kapitenin e Vllaznisë.

90’ Gjyqtari jep tri minuta shtesë.

90+3. Vllaznia fiton 2-0, duke e fituar trofeun e kupës së Shqipërisë pas 21 vjetësh. Për herë të 6-të Kupa e Shqipërisë i takon Vllaznisë. Mijëra tifozë shkodranë në “Ruzhdi Bizhuta”. Heronj kuqeblu nga kapiteni Armir Grima e deri te Xhevair Sukaj, nga Safet Osja te Gilman Lika, nga kongolezi Sasha Delain te kosovari Ilir Nallbani.

Tribuna Vip

Presidenti i Republikës, Bamir Topi me bashkëshorten e tij ishte edhe “maja” e tribunës VIP në “Ruzhdi Bizhuta”. Kreu i FSHF-së, Armand Duka, trajneri i Kombëtares U-21, Artan Bushati, presidenti i Vllaznisë, Valter Fushaj, katër donatorët e Tiranës: Agron Papuli, Refik Halili, Avni Nuri e Shefikat Ngjela. Kryetari i Bashkisë së Elbasanit, Qazim Sejdini, presidenti i Elbasanit, Arben Laze dhe një numër i madh presidentësh të klubeve të Superligës, trajnerë ekipesh dhe lojtarë të shquar.