SHQIPERI - MALTE

Shqiperi-Malta:Lista zyrtare e lojtareveTrajneri Otto Baric ka shpallur sot listen e 21 lojtareve te cilet do te grumbullohen per ndeshjen miqesore te 22 gushtit ndaj kombetares se Maltes.Grumbullimi do te filloje ne date 20 gusht ne Hotel "Adriatik" ne Durres.Ndeshja do te zhvillohet ne date 22 gusht ora 20:45 ne stadiumin kombetar "Qemal Stafa" Tirane.



1

Arjan Beqaj

Enorthosis Famagusta

2

Isli Hidi

FK Tirana -Alb

3

Debatik Curri

FC Vorskla Potlava

4

Armend Dallku

FC Vorskla Potlava

5

Nevil Dede

FK Tirana

6

Erjon Xhafa

KF Tirana

7

Kristi Vangjeli

Aris Selanik

8

Blerim Rustemaj

FC Horsens

9

Ervin SKELA

Energie Cotbus- GER

10

Altin Lala

Hanover 96

11

Devis Muka

KF Tirana

12

Ervin Bulku

FC Krybaras

13

Altin Haxhi

Ergotelis

14

Lorik Cana

O.Marseja-Fra

15

Klodian Duro

FK Tirana

16

Jahmir Hyka

FK Tirana

17

Besart Berisha

Burnley FC

18

Hamdi Salihi

Ried FC

19

Edmond Kapllani

Karlsrhuer-Ger

20

Erjon BOGDANI

Chievo- ITA

21

Alban Bushi

Apolon Kalamaria-Gre



FSHF

Orët e grumbullimit, kombëtarja në humor përpara Maltës

[color=black]Ora 11:30. Hyrja e “Hotel Adriatikut” është e zhurmshme si gjithnjë, pasi është sezon dhe normalisht pushuesit kanë qenë të shumtë. i vetmi person nga kombëtarja shqiptare që shihet në hollin e hotelit është vetëm mjeku i kombëtares, Asllan Kasa, i sapoardhur nga Tirana dhe në pritje të rezervimit të dhomës së tij. Asnjë gjurmë nga lojtarët deri në ato momente. Por, syri të sheh menjëherë dy lojtarët që luajnë në Ukrainë me Vorskla Poltavën, Armend Dallkun dhe Debatik Currin. “Si ia kaloni?” të pyesin ata. Janë të vetmit futbollistë, të cilët kanë mbërritur në hotel dhe kanë fjetur atje që të dielën në mbrëmje. “Jemi djem të mbarë ne, çfarë kujtoni ju?”, të thonë me të qeshur ata të dy, teksa, parë faktin që askush nuk ka ardhur deri në ato momente, të ftojnë për një kafe. Ç’thotë Ukraina? Si po shkoni tek Vorskla? “Mirë. Kemi arritur të marrim shtatë pikë dhe ndeshjen e fundit mundëm edhe Arsenalin e Kievit. A ka më mirë?”, të sqaron Dallku. Po përsa i përket dëmtimit? “E kam kaluar, s’kam më probleme”, të përgjigjet Curri. Në atë moment ia behin Klodian Duro dhe Erion Xhafa, të cilët ulen në tavolinë. “E fituat Superkupën ë? A lum si ju”, ishte batuta e Dallkut në drejtim të Duros dhe Xhafës, të cilët e kuptojnë shakanë e hollë dhe vënë buzën në gaz. Në atë moment Klodit i bie telefoni. Është miku i tij, ish?shoku i skuadrës tek Gallatasarai, Umit Davala, i cili i thotë se ëstë bërë trajneri i kombëtares turke U?21 dhe se ka dëshirë të takonte shokun e vjetër, parë faktin se kishte ardhur në Shqipëri. Në atë moment vjen i gjithë grupi bardheblu, me Deden, Mukën, Hidin dhe Hykën, teksa atyre u shtohet edhe Bulku. Një moment batutash ndërmjet Skelës – që kish ardhur në ato çaste dhe Mukës ? “përse nuk shkon tek Flamurtari ti xhanëm?” Nis e qeshura, por edhe Salihi nuk bie poshtë. “Ore po ç’ishte ajo ofertë prej 200 mijë eurosh që të kishte kërkuar Shkumbini?”. Vjen ora e drekës dhe Bariç ka mbërritur në hotel së bashku me stafin e tij. Lojtarët nisin të hanë drekë. Kovaçici, i cili sapo kishte përfunduar të tijën, vjen dhe i bashkohet gazetarëve të pranishëm. “Si jeni mirë?”, pyet ai në shqip. Ulet dhe nis të bëjë muhabet. E kap një valë humori, teksa asnjeri nuk i shpëton “thumbave” të tij. Madje, as vetë Bariçi, për të cilin, kur pyetet ai të përgjigjet: “Oto? Si djalë i ri nuk e shikoni. Ore po si më pastër qenka këtë vit Durrësi” të thotë Kova. Por humori nuk mbaron këtu. Ai kapet me Hykën, që e krahason me Modriçin, por edhe me Dallkun e Currin. Ora ka shkuar 14:30 dhe lojtarët nisin të shkojnë nëpër dhomat e tyre.





Davala telefonon Duron

Kur kombëtarja turke U?21 do të vinte në Shqipëri, asnjeri nuk do e mendonte se trajneri i saj do të ishte lojtari i njohur turk, Ymit Davala. Kështu, ish?futbollisti i Gllatasarait, Milanit, Verder Bremenit dhe i kombëtares turke – që ka vetëm disa javë që është vënë në krye të ekipit turk U?21 – ka mbërritur dje në Shqipëri, së bashku me skuadrën e tij, për miqësoren e nesërme, që Shpresa kuqezi do të luajë homologët turq në “Ruzhdi Bizhuta” të Elbasanit. Kështu, me të mbërritur në Shqipëri, Davala, ka kontaktuar menjëherë në telefon me mesfushorin e kombëtares, Klodian Duron, të cilit i ka kërkuar një takim. Por, fakti që Duro ka qenë i grumbulluar me kombëtaren, e ka shtyrë këtë takim. Avala është i njohur si futbollist që në kohën e Gallatasarait të Fatih Terimit, ku luante së bashku me Duron.



[color:7c30=black:7c30]Kuqezinjtë, xhiro me avion

Që linjat ajrore në këtë kohë vere, madje piku janë shumë, po shumë të zëna, një gjë e tillë dihet. Por, edhe që prenotimet të bëhen ditët e fundit, kjo është deri diku e pakonceptueshme. Kështu, të shumtët nga lojtarët shqiptarë, si linjat ukrainase dhe ato gjermane, kanë kaluar, si i thonë “nga Kina” për të ardhur në Shqipëri. Kiev?Vienë?Milano?Tiranë. Tre avionë kanë ndërruar lojtarët që luajnë në Ukrainë, teksa po tre kanë ndërruar edhe ata gjermanë. “Nuk ka linjë me Austrianin, janë të zëna” ka qenë justifikimi, edhe pse një gjë e tillë nuk u ka pëlqyer shumë lojtarëve, të cilët kanë bërë “xhiro” të padëshiruar me avion.



Salihi: Ndaj Gracit, ndeshje spektakolare

Ashtu si të gjithë kishin historitë e tyre për të treguar, edhe Hamdi Salihi ka nisur të rrëfejë për aventurën e tij më të fundit, ndeshjen e së dielës nëmbrëmje, ndaj Shturm Gracit, ku ai shënoi edhe një gol. “Ishte një ndeshje shumë e bukur. Shënuam gol që në minutat e para dhe u bë një sfidë e hapur. Kishte rënë pak shi dhe topi rrëshkiste, kështuqë nuk mund të luaje dot ngadalë. Mund të them se me të vërtetë që ishte një ndeshje spektakolare”, ka vijuar Salihi. Përsa i përket golit, ai ka thënë: “Do kisha bërë gabim, po mos ta kisha shënuar”. Qesh kur i përmend faktin që është sulmuesi më në formë i kombëtares. “Faleminderit, por unë dua që të gjithë të jenë në formë dhe jam i kënaqur që janë. Kjo do të thotë se Shqipëria ka një skuadër të fortë, apo jo?”, të thotë me të qeshur Salihi.



Dallku dhe Curri,

mesfushorë tek Vorskla

Kush ka thënë që dy mbrojtësit, Dallku dhe Curri mund të japin rendimentin e tyre vetëm në prapavijë, gabohet. Për të treguar të kundërtën ka menduar trajneri i tyre tek skuadra ukrainase e Vorskla Poltavës, i cili gjatë katër ndeshjeve të fundit, i ka aktivizuar ata si mesfushorë të avancuar, që të dy. “Në fillim menduam se nuk mund ta bënim, por më pas trajneri na u lut, sepse nuk kishte alternativa të tjera”, të sqarojnë ata të dy. Dhe nuk është se kanë luajtur mirë, por shkëlqyeshëm, gjë të cilën e kanë treguar edhe rezultatet. “Ndoshta kemi më shumë sukses në mesfushë, ku i dihet?”, ka thënë Dallku me të qeshur.

Vorskla Poltava ka fituar në “shtëpi” me Arsenalin e Kievit.





Lojtarët, në pishinë

Pasi kanë ngrënë drekën, disa nga futbollistët e kombëtares, kanë vrapuar në drejtim të pishinës që ndodhet në “Hotel Adriatik”. Atje, ata kanë pirë diçka freskuese, edhe pse nuk kanë mundur t?_hen, duke qenë se kanë qenë të veshur me uniforma. Më pas, të gjithë janë futur nëpër dhoma dhe kanë pushuar pak, deri në momentin e orarit të stërvitjes.



Po martohet Bogu?

Një gjë e habitshme ka ndodhur dje në ambientet e “Hotel Adriatik”, me dy turistë italianë. Pushuesit, e sapoardhur kanë pyetur për një dasëm dhe përse ka patur njerëz me uniforma futbolli. Dikush i ka shjeguar se është kombëtarja shqiptare dhe luan edhe Bogdani. italianët, kur kanë dëgjuar emrin e Bogut dhe, duke menduar për dasmën, kanë pyetur: “Po martohet Bogdani?” Një gjë e tillë ka sjellë ilaritet, kur atyre u është shpjeguar situata.



S’ka vende në hotel

Fakti që kombëtarja ka prenotuar një kat të tërë në “Hotel Adriatik”, por dhe pushuesit e shumtë, të ardhur për relaks, kanë bërë që drejtuesit e hotelit të mbyllin prenotimet. “Nuk ka më vend”, i janë përgjigjur ata klientëve që kanë pyetur, ose që kanë dashur të prenotojnë një dhomë për të kaluar pushimet e tyre. Kështu, e thënë shkurt, kombëtarja ka mbyllur përpara kohe hotelin për pushuesit e tjerë.





Kapllani preferon skemën 4?5?1

Sulmuesi i kombëtares shqiptare, Edmond Kapllani, është një nga të vetmit sulmues që ka shënuar tre gola në dy ndeshje brenda katër ditësh me kombëtaren shqiptare, duke i dhënë dy herë ekipit fitoren, pra 6 pikët, edhe pse me Luksemburgun. Nuk është një moment i mirë në Bundesligë për skuadrën e tij Karlsruhen, megjithatë ai do ta zëvendësojë këtë me fanellën kuqezi...

? Keni zhvilluar dy ndeshje në Bundesli gë, dhe në të dy rastet kanë qenë rezultate të paparashikuara për Karlsruhen...

? Po ta shohësh në atë mënyrë, them se fillimi i kampionatit ka qenë i balancuar. Fituam një ndeshje në Nyrenberg, ndoshta të pamerituar, ndërsa pësuam një humbje, po aq të pamerituar, me Hanoverin. Por kjo është Bundesliga, duhet ta kuptojmë që luajmë kundër lojtarëve më cilësorë se në kategorinë e dytë dhe mund të ndëshkohesh edhe në momentin më të mirë.

? Po aplikoni një skemë të re, 4?5?1; A ju krijon vështirësi fakti që jeni i vetëm në sulm?

? E kam ditur edhe më parë se do të kemi vështirësi në fillim me këtë skemë, e kam parë një gjë të tillë që në ndeshjen me Shalken për Kupën e Ligës, e më pas në ndeshjet e tjera. Megjithatë, shpresoj se, me kalimin e kohës, do të harmonizohemi të gjithë me taktikën e re. Duhet ta bëjmë sa më parë një gjë të tillë, pasi na duhet të arrijmë objektivat tona, duke bërë një lojë më ofensive në raste të veçanta. Nuk luhet gjithmonë në mbrojtje.

? Por me këtë rreshtim ju keni më shumë përgjegjësi...

? Përgjegjësia ime në këtë skemë të re është më e madhe, sepse trajneri më kërkon më shumë që të shfrytëzoj topat e gjatë, që të ndihmoj skuadrën dhe në lojën mbrojtëse. Tani loja ime është më shumë në funksion të skuadrës.

? Bariç po mendon ta përdorë këtë skemë kundër Holandës A është ky një avantazh për ju?

? Të them të drejtën e shoh veten më të favorizuar, dhe është më mirë, pasi duke luajtur me klubin në skemën 4?5?1 mund të mësohem me rolin e sulmuesit të vetëm. Kjo është një skemë e mirë, që mund të na shërbejë edhe në ndeshjen kundër Holandës.

? Kjo do të thotë të luash me një sulmues, në një ekip që ka katër të tillë. Si e përjetoni këtë konkurrencë?

? Konkurrenca ekziston gjithmonë, sidomos në Bundesligë ku për çdo pozicion duhet të jenë 2?3 lojtarë, sepse është një kampionat ku duhet të jesh i përgatitur për dëmtimet, pezullimet, ndeshjet e mira dhe ato të dobëta. Duhet të ketë sa më shumë konkurrencë sepse vetëm ajo të çon përpara dhe unë kam përfituar personalisht nga një gjë e tillë.

? Kombëtarja luan me Maltën të mërkurën. Cilat janë objektivat për këtë takim?

?Ky është një test shumë i mirë si për skuadrën kombëtare, ashtu edhe për mua personalisht, pasi na duhet që të vazhdojmë atë ecuri rezultatesh pozitive si ndaj Luksemburgut.

? Holanda nuk është Malta apo Luksemburgu...

? Po, është e vërtetë që Holanda nuk është Luksemburgu dhe duhet të djersitim më shumë. Megjithatë, në fushë jemi të barabartë, siç është Luksemburgu, ashtu është edhe Holanda. Duhet të kemi besim te vetja jonë, për të kërkuar një fitore, ndonëse do të ishim të kënaqur edhe me një barazim.



Vetëm vrapime për kuqezinjtë

Stërvitja e djeshme, që ka qenë edhe e para për kombëtaren, në kuadër të përgatitjeve për miqësoren me Maltën, është zhvilluar dje, në orën 18:00 në stadiumin “Niko Dovana”. Kështu, thuajse të gjithë kuqezinjtë, me përjashtim të Berishës ? i cili ka mbërritur mbrëmë në darkë dhe ka shkuar direkt në hotel – kanë zhvilluar vrapime në pjesën më të madhe të seancës.



Mbërrin edhe Berisha

Ka mbërritur mbrëmë vonë edhe sulmuesi i kombëtares, Besart Berisha, i cili e ka mbushur listën e trajnerit Bariç. Kështu, për shkak të trafikut ajror dhe të pamundësisë së linjave të tjera, futbollisti ka mbërritur mbrëmë direkt në “Hotel Adriatik” dhe i është bashkuar skuadrës. Sot ai pritet të zhvillojë edhe stërvitjen e parë me pjesën tjetër të skuadrës.



Kuqezinjtë, orë relaksi

Pas stërvitjes së djeshme, të zhvilluar në “Niko Dovana”, kuqezinjtë janë lënë të lirë nga trajneri Bariç, edhe pse nuk janë lejuar të dalin nga ambientet e hotelit. Megjithatë, lojratët kanë gjetur mundësi të tjera për t’u argëtuar, edhe pse në një kohë vere mjetet e argëtimit nuk mungojnë në “Hotel Adriatik”. Megjithatë, në orën 11:00 të gjithë janë futur në regjim “kazerme”.



Arjan Bellai, deputet në Greqi

Arjan Bellai, ish?futbollisti i kombëtares shqiptare, i cili ka luajtur për shumë vite në Greqi, është përfshirë në listën e kandidatëve për deputet në zonën e Janinës dhe kandidatura e tij konsiderohet e vlefshme nga Partia Demokracia e re. “Unë nuk di gjë konkrete rreth kësaj që thoni”, u shpreh ish?futbollisti, Bellai, që aktualisht zotëron pozitën e zv/ trajnerit dhe drejtorit teknik te skudrea e PAS Janinës. “Megjithatë, duhet të cilësoj se ndihem shumë i respektuar nëse diçka e tillë është marrë në konsideratë nga Partia në fjalë. Është një nder për mua që të vlerësohem në këtë mënyrë nga drejtuesit përkatës”, vazhdoi bisedën Arjani, i cili nuk hodhi poshtë interesimin dhe dëshirën e tij për një propozim të tillë.



Levante kërkon Bogdanin

Klubi spanjoll i Levantes kërkon sulmuesin shqiptar, Erjon Bogdanin. Edhe pse klubi i Primera Divizionit nuk ka bërë asnjë ofertë zyrtare për Bogun në klubin verdheblu të Kievos, oferta duket se është bërë privatisht agjentit të Erit. Kjo është edhe oferta e disatë për Bogdanin, i cili po vazhdon të mbetet njeriu merkato i Serisë A. E kërkojnë Napoli, Lacio, Kaljari, Siena, por edhe Rexhina, edhe pse ai duket se nuk po mund të lëvizë. Kërkesa e Kievos është shumë e lartë dhe kjo mund të bëjë që Bogdani të qëndrojë në Serinë B. Nga ana tjetër, kjo nuk është një alternativë perfekte për Bogun, i cili pëlqen të qëndrojë në Serinë A, pavarësisht se më cilën skuadër.