Pashja “Shkumbini do te pretendoje"

“Shkumbini do pretendojë”
Ekipi i Shkumbinit i është rikthyer sërish, njësoj si në fazën e parë, një përgatitjeje stërvitore jashtë qytetit të Peqinit, akoma më tej jashtë Shqipërisë. Përkujdesja dhe përgatitjet e këtij viti kanë qenë të veçanta për ekipin e Shkumbinit. Deri më tani ekipi përjeton vitin e tij të parë duke kryer përgatitje jashtë Shqipërisë. Ky fakt sipas drejtuesve, si edhe për lojtarët e Shkumbinit duhet të jetë një stimul më shumë për të dhënë më të mirën. I këtij mendimi është edhe kapiteni i Shkumbinit, Lorenc Pashja në prononcimin e tij telefonik nga Mali i Zi. Për “Panorama Sport” ai shprehet: “Përgatitjet në këtë minifazë do të jenë të dobishme, do të na shërbejnë shumë për të arritur një gjendje edhe më të lartë fizike, që është një element tepër i rëndësishëm për vazhdimësinë e kampionatit. Kjo do ta bëjë edhe më rezistues ekipin në ndeshjet e fazës së dytë, që për ne janë
tepër të rëndësishme dhe vendimtare për të arritur objektivin, për të qenë ndër ekipet pretendentë. Mendoj se ekipi do të arrijë që të konsolidohet
shpejt gjatë kësaj periudhe duke përfshirë këtu edhe blerjet e reja, që kanë bërë drejtuesit e ekipit deri më tani. Mendoj se në këtë periudhë, skuadra jonë do të ndryshojë edhe mentalitetin dhe do të luftojmë që të marrim edhe sa më shumë pikë jashtë, pra të arrijmë që të fitojmë edhe në fusha të tjera”. Lulzim Resuli

panorama sport