JAVA 7 / SHKUMBINI - Flamurtari

Shkumbini-Flamurtari 14:30
L.Jemini M.Dervishi-S.Elezi

me i fitore te leht Ishallah...

Forca Shkumbini

ju uroj fitoren

FLM GOLDO EDHE JUVE ME NJE FITORE INSHALLAH.

Xhyra: S’mund të gabojmë para fansave peqinas

Pas çdo ore që kalon, në mjedisin futbollistik peqinas ndihet “aroma” e ndeshjes, që nesër Shkumbini do të luajë në “shtëpi”, duke patur përballë Flamurtarin. Lojtaët bardhekaltër e shohin këtë përballje si një mundësi reale, për të vazhduar në rrugën e suksesshme. Në ndeshjen e nesërme, sipas pohimeve që dalin nga kampi i vendasve, objektivi i Shkumbinit do të jetë fitorja, për më tepër që luhet në fushën e tij. Peqinasit nuk duan ta humbin shansin, që pas kësaj ndeshjeje, Shkumbini, që për momenti gjendet në vendin e gjashtë, t’i përmirësojë pozitat, duke ngushtuar diferencën e pikëve me skuadrat që renditen më lart në tabelë.

Pretendimi ? Edhe pse mund të duket si e habitshme, fakti është se peqinasit nuk i kënaq ky pozicion, nisur nga investimi që është bërë në skuadër dhe përbërja e grupit të lojtarëve. “Kemi arritur në një moment, ? thotë mbrojtësi i Shkumbinit, Klement Xhyra, ? kur duhet të lëvizim nga vendi dhe të ngrejmë moralin, për të përballuar ndeshjet edhe më të vështira që kemi përpara”. Sipas Xhyrës, Shkumbini nuk është ngjitur në ato nivele, ku pretendohej para fillimit të sezonit. “Nuk u përgatitëm që të “gozhdohemi” në këtë vend në renditje. Këtu kam parasysh pikët e grumbulluara deri tani. Skuadra ka mundësi më të mëdha, sepse edhe përbërjen e ka me lojtarë cilësorë e të njohur”. Gjithsesi, sipas Xhyrës skuadranuk ka luajtur keq por nuk ka marë rezultatet që priteshin. Pikërisht për këtë, mbrojtësi është optimist se Shkumbini do të ndryshojë për mirë dhe do të ngrihet në nivelin e objektivit që ka caktuar. “Ne jemi të ndërgjegjshëm se duhet të fitojmë dhe të marrim pikët e plota në çdo ndeshje, sidomos kur luajmë në fushën tonë. Këtë duhet ta bëjmë që në ndeshjen me Flamurtarin” thotë mbrojtësi.

Kundërshtari ? Gjithnjë sipas tij, ndaj vlonjatëve do të kenë një ndeshje jo të lehtë, ndaj e kanë vlerësuar maksimalisht atë. “E respektojmë Flamurtarin, por ne njohim dhe forcën tonë reale. Ndonëse ka në përbërje futbollistë të mirë dhe është i fortë edhe në transfertë, ne do të kërkojmë të arrijmë fitoren” thekson Xhyra. Objektivi ? “E përsëris, jemi të motivuar për të arritur fitoren në këtë ndeshje. Trepikëshi i tretë në fushën tonë do të rriste optimizmin në skuadër, por edhe te tifozeria jonë. Përpara fansave peqinas, të cilët me siguri do të jenë të shumtë në numër të dielën dhe do të na mbështesin ashtu si dinë ata, ne nuk mund të gabojmë. Kam besim se do të bëjmë një tjetër hap drejt objektivit final” ka përfunduar mbrojtësi i Shkumbinit, Klement Xhyra.

Llani paralajmëron forcën e vlonjatëve

Në prag të ndeshjes me Flamurtarin, që do të luhet në Peqin, në skuadrën peqinase situata duket optimiste për të vazhduar ecurinë pozitive. Edhe pse bilanci i përgjithshëm flet në favor të Flamurtarit, në sezonin e kaluar, duke përfshirë ndeshjet e kampionatit dhe të kupës, Shkumbini ka patur epërsi ndaj vlonjatëve. Nga ana tjetër, skuadra peqinase ka një përbërje më cilësore dhe vjen në këtë sfidë pas një barazimi në transfertë, me Teutën. “Në këtë ndeshje ne vijmë pas një barazimi plotësisht të merituar në Durrës, ? thotë portieri Ervin Llani. ? Nëse do të luajmë si në ndeshjet e fundit, atëherë do të ngjitemi më lart në renditje” është shprehur Llani. Por portieri kërkon që në këtë ndeshje të mos humben rastet që krijohen për gol, si ka ndodhur më parë, dhe sulmuesit të jenë të saktë në finalizim. Sipas Llanit, Flamurtari duket se do të jetë një nga skuadrat, me të cilën Shkumbini do të rivalizojë për një vend sa më të mirë pranë kreut. “Flamurtari në këtë kampionat po tregohet skuadër e fortë dhe po luan mirë, në përbërje ka një grup lojtarësh të talentuar, që të krijojnë probleme. Pastaj, vlonjatët do të kërkojnë të mos zbresin nga vendi që mbjanë dhe do të luajnë tejet të motivuar. Prandaj e shoh si një ndeshje të vështirë” ka komentuar portieri. duke kaluar në vlerësimin e Shkumbinit, Llani rrëfen se ata i kanë shfrytëzuar mirë ditët që kanë pasur në dispozicion dhe në skuadër ka një gjendje të mirë psikollogjike, ku mbisundon optimizmi se do t’ia dalin me sukses në këtë provë të radhës. Sipas “gardianit” të portës peqinase, vlonjatët knë një mesfushë të mirë, por përballë do të ndeshen me një repart të konsoliduar e të përgatitur. Llani pranon se kjo ndeshje është nga ato, për të cilat thuhet se “i ka të tri rezultatet brenda”. “Megjithatë, ? përfundon portieri i Shkumbinit, ? ne do t’ia bëjmë hyzmetin për të dhënë më të mirën tonë dhe ta mbyllim ndeshjen me fitore”.